Поздравление Главы МР "Докузпаринский район" Абдурагима Алискерова с наступающим Новым 2019 годом на лезгинском языке

Гьуьрметлу докъузпаравияр!

Ингье мад са йис тарихдиз хъфизва. 2018-йис чи район патал са кьадарда кьетIен вакъиайралди, менфятлу краралди лишанлуди хьана.

2018-йисан девирда районда кьилиз акъудай лап метлеблу вакъиайрикай рахайтIа, шадвилелди лугьуз жеда хьи, Мискискарин мектебдив тIебии газ агакьна, идалди и хуьр газламишуник сифте кьил кутуна;

Миграгъ-Къазмайрин хуьре спортшкола шад гьалара ачухна;

Къуруш хуьре туристрин лагерь эцигиз башламишнава;

Каракуьре хуьруьн администрациядин ва культурадин кIвалин дараматар тамамвилелди цIийи хъувуна;

2018-йисуз Къалажух ва Каракуьре хуьрерин мектебрин дараматарни республикадин «100 мектеб» программадай ремонтна.

Гьуьрметлу ватанэгьлияр!

ЦIийи йисан муддатда чи вилик важиблу, халкьдин дуланажагъ хъсанарунихъ элкъуьрнавай проектар мадни акъвазнава. Кьилди къачуртIа, абур инвестицийриз, яшайишдиз талукь программайрин сергьятра аваз кьилиз акъудна кIанибур я. Чи кьилин макьсад – Докъузпара район вилик жергейринди ва къулайди авун я. Гележегдик умудар кутуналди, дикъетлувални жавабдарвал гьисс авуналди, чаз чи магьал йигин еришралди виликди тухуз кIанзава.

Район вири жигьетрай абадди, ислягьди, менфятлуди ва бегьерлуди хьун вирибурун зегьметдин нетижайрилай аслу я.

Гьуьрметлу районэгьлияр!

Къуй алукьзавай 2019-йис Куьн паталди вири рекьерай бегьерлуди, хушбахтлуди, ислягьди, агалкьунар гъидайди ва шад вакъиайралди рикIел аламукьдайди хьурай!

Куь кIвалера гьамиша берекат хьурай! Мубаракрай ЦIийи йис!

«Докъузпара район» МР-дин Кьил

Абдурагьим Мирзежанович Алискеров